Расман. Кевин Гарнетт фаолиятини якунлади

Ҳужумчи ўз қарорини “Миннесотта Тимбервулвз” клуби раҳбариятига етказди.

“Мен барчага раҳмат айтмоқчиман. Улар ҳамиша мени қўллаб-қувватлаб келишган. Шундай мухлислар борлигидан хурсандман. Лекин ҳамма нарсанинг бошланиши бўлганидек, якуни ҳам бор”,  — деди Гарнетт.

Ўз ўрнида “Миннесотта” клуби бошлиғи Глен Тейлор ҳам ўз ўрнида баскетболчининг қарорига ўз муносабатини билдирди.

“Кевин кўз остимда ўсди. Фурсатдан фойдаланиб, унга жамоамиз ғалабалари ва муваффақиятларига қўшган хиссаси учун миннатдорчилик билдираман. У ўз ўйинлари билан жамоамиз мухлисларининг қувончига сабабчи бўлди”, — деди Тейлор.

Маълумот учун, 40 ёшли Гарнетнинг “Миннесотта” билан яна бир йиллик шартномаси бор эди. Келишувга кўра, у мана шу бир мавсум учун 8 млн. доллар маош олиши кутилганди. Гарнетт Миллий Баскетбол ассоциациясида ўтказган умумий 21 мавсуми давомида “Миннесотта”, “Бостон Селтикс” ва “Бруклин Нетс” жамоалари шарафини ҳимоя қилди.