Расман. Маҳмуд Мурадов реванш жанги ўтказади

Ҳамюртимиз шу куни Чехиянинг Прага шаҳридаги “O2 Arenа”да ушбу мамлакат заминидаги сўнгги жангида октагонга кўтарилади. Унинг рақиби Давид Рамирес бўлади. Бу баҳс Мурадов учун реваншга айланади.

Боиси, ўтган йилнинг декабрь ойида айнан Рамиресга жароҳати сабаб имкониятни бой бериб қўйганди. Маҳмуд ўша мағлубият тасодиф эканлигини исботлашга ҳаракат қилади.

Ушбу жанг Мурадовнинг XFN ташкилоти билан имзолаган шартномаси бўйича сўнгги жанг ҳисобланади. У 7 декабрь кунги жангидан сўнг АҚШга йўл олади ва Флойд Мейвезерга тегишли промоутерлик клуби байроғи остида ўз жангларини ўтказа бошлайли. Мурадов катта эҳтимол билан “Беллатор” ташкилоти ўтказадиган жангларда иштирок этади.  

"Чехиядаги сўнгги жангимни ҳам муваффақиятли якунлашни мақсад қилганман. Рамирес билан келишувга эришдик ва расман 7 декабрь куни шу рақибимга қарши жанг ўтказаман. Шундан сўнг АҚШга жўнаб кетаман", - деди сайтимизга берган интервьюсида Мурадов.