Расман. Ўзбекистондаги ягона UFC жангчиси Маҳмуд Мурадовнинг навбатдаги рақиби ва жанг санаси маълум бўлди

Ўрта вазн тоифасида ўзбекистонлик UFC жангчиси Маҳмуд Мурадов (25-8) навбатдаги жангини қачон ва кимга қарши ўтказишини маълум қилди.

Унга кўра, ҳамюртимиз 22 июль куни Буюк Британия пойтахти бўлмиш Лондон шаҳрида ўтказиладиган Fight Night турнири доирасида октагонга кўтарилади. Мурадовга ўша куни америкалик Брайан Барберена (18-10) рақиблик қилади.

Мурадов сўнгги жангида бразилиялик Кайо Борральога имкониятни бой берган бўлса, Барберена оҳирги жангида Гуннар Нельсонга мағлуб бўлган эди.