13 апр 09:55
Янгиликлар

Бокс/ММА

Расман. Усик - Гассиев жанги бошқа муддатга кўчирилди

Бутунжаҳон бокс суперсерияси (WBSS) доирасидаги ҳал қилувчи финал жанги ёзда бўлиб ўтади.

Финалда украиналик Александр Усик ҳамда россиялик Мурат Гассиев ўзаро тўқнаш келишади. Ташкилотчилар финал жанги муддатини ўзгартириб, ёз ойларига кўчиришди.

“Айни тайтда финал жангини юқори савияда ўтказиш бўйича иш олиб боряпмиз. Бу нуфузли турнир, шу боисдан ҳам финал номига мос тарзда ташкил этилиши керак”, - дейилади ташкилот баёнотида.

Эслатиб ўтамиз, WBSS турнирининг финал жанги 11 май куни Саудия Арабистонининг Жидда шаҳрида бўлиб ўтиши керак эди. Жанг ғолиби янги таъсис этилган The Ring титули, шунингдек, WBC, WBO, WBA ҳамда IBF чемпионлик камарларини қўлга киритади.