25 авг 22:08
Янгиликлар

Футбол

Расман: Усман Дембеле "Барселона"га ўтди

Каталониянинг "Барселона" ва Дордмунднинг "Боруссия" клублари Усман Дембеленинг трансфери борасида келишувга эришишди.

"Барселона" расмий сайтининг маълум қилишича, каталонияликлар футболчи учун немисларга 105 миллион евро тўлайди. Бу сумма турли бонуслар ҳисобига ортиши мумкин, яъни бонуслар учун қўшимча миллионлар тўланади.

Дембеле "кўк-анорранглилар" билан 5 йиллик шартнома имзолади. Унинг "Барселона"даги товон пули 400 миллион еврони ташкил этади. Франциялик футболчи якшанба куни Каталонияга келади ва душанба куни тиббий кўрикдан ўтади.