Расман. ХОҚ AIBAни четлатди

Лекин бокс Токио-2020 Олимпия ўйинлари дастурида қолди. AIBA ўз ҳуқуқлари ва мавқейини фақат Олимпиададан кейингина тиклаши мумкин бўлади. Олимпия бокс турнирини ташкил қилиш билан эса ХОҚ қошидаги махсус комиссия шуғулланади. Ушбу комиссияга халқаро гимнастика федерацияси президенти Моринари Ватанабэ раҳбалик қилади. 

Маълумотда келтирилишича, Токио Олимпиадасининг бокс мусобақасида 286 нафар боксчи (186 эркак, 100 аёл) иштирок этади. Эркаклар 8, аёллар 5 та вазн тоифасида рингга кўтарилишади. Олимпиадага саралаш турнири тўртта қитъада январь ойидан бошланиб, майга қадар давом этади. Хабарда Хитой, Сенегал (Дакар), Буюк Британия (Лондон) ва Аргентина (Буэнос-Айрес) мамлакатлари саралаш турнирларига мезбонлик қилиши айтилган. Бутунжаҳон квалификацион турнири эса май ойида Японияда бўлиб ўтади.