23 май 08:05
Янгиликлар

Бокс/ММА

Расман. Зубайра ва Абубакарнинг дисквалификацияси қисқартирилди, улар Хабиб билан бир оқшомда жанг қилишади

UFC жангчилари Зубайра Тухугов ва Абубакар Нурмагомедовнинг дисквалификация муддати расман қисқартирилди.

Кеча, 22 май куни Невада штати Спорт комиссияси қарорига кўра, Зубайра ва Абубакарнинг бир йиллик четлатилиши 35 кунга қисқартирилди. Аввалги ҳолат бўйича дисквалификация муддати 6 октябрь куни якунланиши керак эди.

Энди Зубайра ва Абубакар сентябрь ойида БАА пойтахти Абу-Даби шаҳрида ўтказиладиган UFC 242 оқшомида иштирок эта олишади. Худди шу куни Хабиб Нурмагомедов енгил вазн тоифасидаги UFC чемпионлик камарини ҳимоя қилади.

“We ready and we coming InshaAllah. DreamTeam and real Family”, - дея Инстаграм саҳифасида хабар қолдирган Тухугов.

Маълумот учун, Хабиб Нурмагомедов 9 ойга четлатилган бўлиб, бу муддат 6 июль кунига якунига етади.