Райан Гарсия ва Конор Бенн вазн ўлчаш маросимида ҳозир бўлди

Ҳар икки боксчи белгиланган вазн меъёрини муваффақиятли бажарди. Гарсиянинг вазни роппа-роса 66 килограммни ташкил этди, Бенн эса бироз оғирроқ чиқди — 66,22 кг.

Эслатиб ўтамиз, Конор Бенн охирги марта 2022 йилнинг баҳорида ярим ўрта вазн тоифасида рингга чиққан эди. Шундан сўнг у фақат юқорироқ вазн лимитидаги жангларда иштирок этди.

Гарсия ва Бенн ўртасидаги жанг бизнинг вақт билан эртага тонг саҳарда АҚШнинг Лас-Вегас шаҳрида бўлиб ўтадиган "Zuffa Boxing" бокс оқшомининг марказий воқеаси бўлади.

Оқшомнинг иккинчи муҳим жангида биринчи оғир вазн тоифасида WBC чемпиони Ноэль Микаэлян ва собиқ IBF чемпиони Жей Опетая тўқнаш келади. Вазн ўлчаш жараёнида Микаэлян ушбу вазн тоифаси учун рухсат этилган максимал 90,7 кг вазнни қайд этди, Опетая эса бироз захира билан — 90,26 кг тош босди.