"Реал" Дэвисга даъвогар

"Реал" қизиқиш доирасига "Бавария" ва Канада терма жамоаси ҳимоячиси Альфонсо Девис киради, деб ёзди "El Nacional".

Мадридликлар 22 ёшли футболчини келаси ёзда сотиб олишни режалаштирмоқда. Бироқ Дэвиснинг трансфери даргумон, чунки "Реал" "Бавария"нинг трансфер нархига бўлган талабини қондиришга тайёр эмас. Мюнхенда Дэвисни 80-90 миллион еврога баҳолашмоқда.

Альфонсо "Бавария"га 2019 йилда "Ванкувер"дан келиб қўшилган. Канадалик футболчи Мюнхен клуби учун 134 та учрашувда 6 та гол урди ва 21 та голга ассистентлик қилди.

Унинг немис жамоаси билан шартномаси 2025 йилнинг ёзига қадар тузилган.