02 фев 16:52
Янгиликлар
Футбол
"Реал" жароҳат олган Беллингемнинг ташхисини маълум қилди
"Реал" ярим ҳимоячиси Жуд Беллингемда чап оёқ мушаклари жароҳати аниқланган, деб хабар берди Мадрид клуби матбуот хизмати.
"Реал" якшанба куни Испания чемпионатининг 22-тури доирасида "Райо Вальекано"ни 2:1 ҳисобида мағлубиятга учратди. Беллингем учрашувнинг 8-дақиқасидаёқ жароҳат олди ва кўзёшлари билан майдонни тарк этди.
"Ўтказилган тиббий текширувлар натижасига кўра Беллингемда чап оёқ ярим пай мушаги жароҳати аниқланди", – дейилади клуб матбуот хизмати баёнотида.
"Marca"га кўра, 22 ёшли англиялик хавбекнинг тикланиши учун тахминан 1 ой вақт керак бўлади.
Беллингем жорий мавсум барча мусобақаларда 27 ўйин ўтказиб, 6 та гол урди ва 4 та голли узатмани амалга оширди.
Ҳавола :
Манба : Marca
Фикрлар