"Реал" Лунин билан боғлиқ муаммолардан сўнг янги дарвозабон ҳақида ўйлаб қолди

"Fichajes" нашрининг хабар беришича, "Брага" посбони Лукаш Горничек клуб қизиқишларини уйғотди. Бўйи 1,98 метр бўлган чехиялик Европадаги энг истиқболли дарвозабонлардан бири ҳисобланади. У бу мавсум 46 та ўйинда майдонга тушиб, 39 та гол ўтказиб юборган.

"Реал"да аллақачон узоқ муддатли шартномаларга эга икки дарвозабон бор: Тибо Куртуанинг шартномаси 2027 йилгача, Андрей Луниннинг битими эса 2030 йилгача.

Асосий дарвозабон Куртуа март ойида "Манчестер Сити"га қарши жавоб ўйинида олган жароҳатидан тикланмоқда. У жорий мавсум "қаймоқранглилар" таркибида 41 ўйинда қатнашиб, 15 тасида дарвозаси дахлсизлигини сақлаб қолди.

Лунин 8 ўйинда иштирок этиб, ҳаммасида дарвозасидан тўп олиб чиқди.