01 авг 14:11
Янгиликлар

Футбол

"Реал" янги футболчисининг маоши саккиз бараварга ошди

Ҳужумчи Карлос Эспи "Леванте"дан Мадриднинг "Реал" клубига ўтганидан сўнг 21 ёшли форварнинг иш ҳақи саккиз бараварга оширилиб, йилига 420 минг евродан 3,36 миллион еврога етди.

Футболчининг "Қироллик клуби" билан шартномаси 2031 йилгача мўлжалланган. Бу ҳақда "Sport.es" хабар бермоқда.

"Реал" Эспининг трансферини пайшанба, 30 июль куни эълон қилди. Журналист Фабрицио Романонинг хабар беришича, Испания гранди 21 ёшли форвардни 25 миллион евро эвазига сотиб олиш опциясини фаоллаштирган.

Ўтган мавсумда Эспи барча мусобақаларда 27 та ўйинда майдонга тушиб, 13 та гол урди. Футболчининг "Леванте" билан шартномаси 2027 йилнинг ёзигача мўлжалланган эди. "Transfermarkt" портали маълумотларига кўра, футболчининг бозор қиймати 20 миллион еврони ташкил этади.