Рефери нима учун Фьюрининг иккинчи нокдаунидан кейин жангни тўхатмаганини тушунтирди

Жанг давомида Фьюри икки бор нокдаун ҳолатига тушиб қолганди. Айниқса, иккинчи вазиятда ҳакам жангни тўхтатиши ҳам мумкин эди. 

“Умумий оладиган бўлсак, Уайлдер 12 раундлик жанг мобайнида Фьюридан сезиларли устунликка эга бўлмади. Унинг зарбалари Тайсонни мувозанатдан чиқарадиган даражада эмас эди. Бу жуда яқин жанг бўлди. Британиялик боксчи биринчи нокдаун ҳолатида ўрнидан ортиқча қийинчиликсиз турди. Мен атайин вақтни чўзмадим. Қоида доирасида ҳисобни очдим ва саноқни амалга оширдим. Фьюри саноқ якунига етмасидан олдин ўрнидан кўтарила олди”, - деди Райс.

Эслатиб ўтамиз, Деонтей Уайлдер иккинчи нокдаун ҳолатидан сўнг рефери атайин вақтни чўзди, деб ҳисоблаганди. Жанг видео ёзувчи қайта кўриб чиқилди ва FOX Sports телеканалида ўша эпизод намойиш этилди. Жек Райс қоида доирасида ҳаракат қилган. Фьюри саноқ бошланганидан 9,9 сония ўтган бир вақтда оёқда тик турган эди.