06 фев 15:35
Янгиликлар

Бокс/ММА

Режис Прогрейс - Оскар Дуарте жанги бекор қилинди

Биринчи яримўрта вазн тоифасида собиқ жаҳон чемпиони Режис Прогрейснинг Оскар Дуартега қарши жангига 10 кун қолганида ўтказилмаслиги аниқ бўлди.

Ушбу жанг 15 февраль куни АҚШнинг Анахайм шаҳрида ўтказилиши керак эди. Жангнинг бекор бўлишига Прогрейснинг жароҳати сабаб бўлди. У машғулот чоғида жароҳат орттириб олган.

Эслатиб ўтамиз, Режис Прогрейс сўнгги жангини 2024 йилнинг октябрь ойида Жек Кэттероллга қарши ўтказиб, очколар ҳисобига кўра имкониятни бой берган эди. Бу унинг кетма-кет иккинчи мағлубияти эди. Режис аввалроқ Девин Хейнига ҳам ютқазганди. Дуарте эса икки ғалабали серия билан келмоқда. Оскар ўтган йилнинг ноябрь ойида ҳамюртимиз Ботир Аҳмедовни ҳакамлар қарорига кўра очколар ҳисоби бўйича мағлуб этганди.