Рестартга икки ҳафта қолди. Будапешт дунё дзюдочиларини кутиб ол!

Рестарт Будапештдан бошланади. Венгрия пойтахти 23-25 октябрь кунлари оралиғида "Катта Дубулға" туркумига кирувчи нуфузли мусобақага мезбонлик қилади. 

Турнир бошланишига роппа-роса икки ҳафта қолган бир пайтда унда иштирок этиш истагини сайёрамизнинг 5 қитъаси 79 давлатидан жами 610 (370 эркак, 240 аёл) нафар дзюдочи билдирган. Халқаро дзюдо федерацияси (IJF) мусобақалар бўлимида ушбу расмий маълумот акс этган. 

Режа бўйича Будапешт "Катта Дубулға" турнирида Ўзбекистон терма жамоаси ҳам иштирок этади. Ҳозирда дзюдочиларимиз Илиас Илиадис бошчилигида бўлажак мусобақага сўнгги тайёргарлик машғулотларини олиб боришаяпти. 

Маълумот учун, "Катта Дубулға" турнирлари ғолиблари 1000 рейтинг очкосини қўлга киритишади. Иккинчи ўрин эгалари 700, бронза медаль соҳиблари эса 500 очкога эга бўладилар.