Ригондо чемпионлик камаридан маҳрум қилинди

Ригондо ушбу титулини расмий даъвогар Мойзес Флоресдан ҳимоя қилиши керак эди. Лекин Ригондо WBA ташкилотидан икки вазн юқорига кўтарилиб, Василий Ломаченкога қарши жанг ўтказишга рухсат бериши ва шу сабабли Флорес билан жангни кейинроққа суришни сўраб мурожаат қилганди.

Бунга жавобан WBA раҳбарияти Ригондога фақат Ломаченкони мағлуб этган ҳолатда бу сўровга рози бўлишини айтган эди. Аммо жангда Ломаченко рақибини муддатидан аввал мағлубиятга учратди. Ўз ўрнида украиналик чемпион кубалик боксчининг камарига даъвогарлик ҳам қилмаганди.