20 май 10:37
Янгиликлар

Теннис

Рим “Мастерс”. Финалда Надаль - Зверев тўқнашуви

Италиянинг Рим шаҳрида ўтказилаётган “Мастерс” сериясига кирувчи нуфузли турнирнинг эркаклар ўртасидаги мусобақасида финалчилар маълум бўлди.

Иккинчи ярим финал учрашувида дунёнинг учинчи ракеткаси германиялик Александр Зверев ATP рейтингида бешинчи поғоанини эгаллаб турган хорватиялик Марин Чиличга қарши кортга чиқди.

Икки соату бир дақиқа давом этган мураккаб учрашувда Зверев рақибини 7:6(13), 7:5 ҳисобида мағлуб этди. Бугун у бош соврин учун учрашувда дунёнинг биринчи ракеткаси испаниялик Рафаэль Надалга қарши баҳс олиб боради. Надаль кеча ярим финалда ATP рейтингида 18-ўринни эгаллаб турган сербиялик Новак Жоковични 7:6(4), 6:3 ҳисобида мағлуб этганди.