19 май 20:12
Янгиликлар

Теннис

Рим “Мастерс”. Надаль - Жокович учрашуви бўлиб ўтди

Италиянинг Рим шаҳрида ўтказилаётган “Мастерс” сериясига кирувчи нуфузли турнирнинг эркаклар ўртасидаги мусобақасида илк финалчи маълум бўлди.

Дастлабки ярим финал жуфтлигида дунёнинг биринчи ракеткаси испаниялик Рафаэль Надаль ATP рейтингида 18-ўринни эгаллаб турган сербиялик Новак Жоковичга қарши кортга чиқди.

Бир соату 58 дақиқа давом этган учрашувда грунт қироли ҳисобланган Надаль дунёнинг собиқ биринчи ракеткасини 7:6(4), 6:3 ҳисобида мағлуб этди. Рафанинг финалдаги рақиби тахминан 3 соатлардан сўнг бошланадиган Зверев - Чилич баҳсидан сўнг маълум бўлади.