Рио-2016. Аёллар ўртасидаги баскетбол мусобақаси иштирокчилари маълум

Турнир якунларига кўра Хитой, Испания, Франция, Беларусь ва Туркия терма жамоалари “Рио-2016” ўйинларига йўлланма олдилар. Шу тариқа, Олимпия ўйинларида баскетбол бўйича аёллар мусобақасида баҳс юритадиган 12 та терма жамоа номи маълум бўлди.

Эслатиб ўтамиз, аввалроқ АҚШ (жаҳон чемпиони, 2014), Сербия (Европа чемпиони, 2015), Канада (Америка чемпиони, 2015), Австралия (Океания чемпиони, 2015), Япония (Осиё чемпиони, 2015), Сенегал (Африка чемпиони, 2015) ва Бразилия (мезбон давлат) терма жамоалари XXXI ёзги Олимпиада ўйинларида қатнашиш хуқуқини қўлга киритишган эди.

“Рио-2016” ўйинларида баскетбол мусобақалари 6-21 август кунлари ўтказилади. Аёллар ўртасидаги финал учрашуви 20 август, эркаклар ўртасида эса 21 август куни бўлиб ўтади. Аёллар ўртасидаги мусобақаларда 12 терма жамао икки гуруҳга бўлинган ҳолда баҳсларга киришадилар.

Қуйида, ҳар икки гуруҳдан ўрин эгаллаган терма жамоалар берилган: 

“А” гуруҳи: Франция, Япония, Бразилия, Австралия, Беларусь, Туркия.

“В” гуруҳи: Канада, Испания, АҚШ, Сенегал, Сербия, Хитой.

Ўзбекистон Миллий Олимпия қўмитаси матбуот хизмати