21 фев 10:37
Янгиликлар

Теннис, Олимпия ўйинлари

Роберто Баутиста-Агут фаолиятидаги 10-совринини қўлга киритди

Қатар пойтахти Доҳа шаҳрида мукофот жамғармаси 1 071 030 долларни ташкил қилувчи турнир якунига етди.

Испаниялик теннисчи Роберто Баутиста-Агут мусобақа финалида ўтган йилги чемпион грузиялик Николоз Басилашвилини 6/3, 6/4 ҳисобида мағлуб этди.

Шу тариқа, Баутиста-Агут фаолиятидаги ўнинчи ва 2019 йилдан буён биринчи чемпионлик совринини қўлга киритди. Сўнгги тўрт йил давомида испаниялик Доҳада уч марта финалда ўйнаган: 2019 йилда у Томас Бердихни мағлуб этган, 2021 йилда эса Басилашвилига ютқазган.