Робот Усэйн Болтнинг рекордини янгилади

Бу билан ямайкалик спринтер Усэйн Болтнинг 17 йил аввал ўрнатилган 9,58 сониялик жаҳон рекорди янгиланди. Гуманоид робот, шунингдек, апрель ойида Пекин марафонида ҳам ғолиб чиққан эди.

Хитойнинг смартфон ишлаб чиқарувчи Honor компанияси томонидан ишлаб чиқилган Lightning ўша марафонда эркаклар рекордини ҳам янгилаб, масофани 50 дақиқа 26 сонияда босиб ўтган. Амалдаги рекорд эса (расмий тасдиқланишини кутмоқда) якшанба куни Йомиф Кежелча томонидан 56 дақиқа 51 сония натижа билан қайд этилган. Апрель ойида Lightning’нинг бўйи 169 сантиметр, оёқларининг узунлиги эса 95 сантиметр эди. Бироқ тадқиқотчилар Гуманоидлар ўйинлари олдидан унинг оёқларини яна 10 сантиметрга узайтиришган.

Саралаш босқичида яна бир гуманоид робот — Tiangong Ultra 9,39 сониялик натижа қайд этди. Бу ўтган йилги илк мусобақадаги ғалаба натижаси — 21,50 сониядан анча яхши кўрсаткичдир. Яна бир робот — Shandian эса саралаш пойгасида 9,47 сония натижа билан иккинчи ўринни эгаллади.

Бу йил роботларнинг тезланишида сезиларли яхшиланиш кузатилган бўлса-да, секинлашиш жараёни улар учун муаммо бўлиб қолди. Бир нечта робот тўхташ учун қўйилган қалин матрасга бориб урилди. Tiangong Ultra йўл четидаги ҳудудга чиқиб кетиб, томошабинларни чекинишга мажбур қилди. Lightning эса йиқилиб тушганидан сўнг замбил ёрдамида олиб чиқилди.

Тик турган ҳолда баландликка сакраш баҳсида Пекинда жойлашган X-Humanoid компанияси роботи 2,88 метр баландликни забт этди. Шу тариқа у кубалик Хавьер Сотомайор томонидан 1993 йилда ўрнатилган 2,45 метрлик инсонлар рекордидан ҳам юқори натижа қайд этди.

2026 йилги Жаҳон роботлар конференцияси билан бир вақтда Пекинда ўтказилаётган мазкур мусобақада 1 000 дан ортиқ индивидуал баҳсни ўз ичига олган 51 та йўналиш мавжуд. Улар орасида стол тенниси, футбол, оғир атлетика ва арқон тортиш каби спорт турлари бор.

Бу йил дастурга робот қўллари учун аниқ ҳаракатларни бажариш бўйича янги синовлар ҳам киритилган. Бу робототехника соҳасидаги энг мураккаб муҳандислик масалаларидан бири ҳисобланади, чунки инсон қўлларининг чаққонлиги ва тегиниш орқали сезиш қобилиятини роботларда такрорлаш ниҳоятда мураккаб.

China’s first Humanoid Robot Games delivered a surprising result: robots are fast — but not always in control.

At the Beijing event, Lightning Robot from Honor finished the 100-meter race in 9.47 seconds, while Tiangong Robot clocked 9.39 seconds, both beating Usain Bolt’s… pic.twitter.com/ZFwBi6RYGB

— X.PIN (@thexpin) August 24, 2026