Рожер Федерер: “Менга Истоминнинг ўйинлари ёқади”

Швейцариялик 35 ёшли теннис юлдузи журналистларнинг Новак Жоковичнинг Денис Истоминдан қабул қилинган мағлубияти ҳақидаги саволига қуйидагича жавоб берди.

“Очиғи, бу мағлубиятдан ҳайрон қолдим. Бошқа томондан, менга Дениснинг ўйини жуда ҳам ёқади. У ҳаётда ҳам ажойиб инсон. Ҳамма билан чиройли муомалада бўлади. Кучли теннисчи. Зарбаларни ҳам заргарона тарзда бажаради. 

Лекин барибир ҳам мен учун натижа кутилмаган бўлди. Мен Денис учун хурсандман. Новак учун эса албатта, жуда ҳам аламли мағлубият. Сўнгги сонияларгача менда Жоковичнинг ғалабасига ишонч сақланиб қолганди. Аммо, бу спорт”, - дейди “Катта Дубулға” туркумидаги турнирларнинг 17 карра ғолиби.

Маълумот учун, Рожернинг ўзи ҳам Австралия Очиқ чемпионати муваффақиятли иштирок этяпти. У кеча учинчи давра учрашувида чехиялик Томаш Бердихни 6:2, 6:4, 6:4 ҳисобида мағлуб этганди. Унинг 1/8 финалдаги рақиби япониялик Кеи Нисикори (5) бўлади.