01 июн 09:32
Янгиликлар

Теннис

"Ролан Гаррос". 18 ёшли Кори Гофф 1/2 финалда!

Дунёнинг 23-ракеткаси Кори Гофф "Катта Дубулға" туркумига кирувчи "Ролан Гаррос" турнири ярим финалчисига айланди.

Америкалик 18 ёшли иқтидор эгаси чорак финал учрашувида WTA рейтингининг 64-поғонасидан жой олиб турган ватандоши Слоан Стивенсни мағлубиятга учратди - 7/5, 6/2.

Бир соату 33 дақиқа давом этган баҳсда Кори 3 та эйс, 6 та брейкни амалга оширди. Теннисчиларнинг ўзаро учрашувларидаги ҳисоб тенглашди - 1:1. Энди Гофф ярим финалда италиялик Мартина Тревизанга қарши кортга чиқади.