"Ролан Гаррос-2022" тақвими маълум

Ушбу нуфузли турнирнинг тақвими эълон қилинди. Унга кўра, "Ролан Гаррос"-2022 теннис турнирининг расмий санаси 22 майдан 5 июнгача қилиб белгиланган. Мана шу саналарда тўққиз йўналишда: эркаклар ва аёллар яккалик, эркаклар ва аёллар жуфтлик, аралаш, ўсмирлар ўртасида яккалик ҳамда ўғил-қизлар ўртасида жуфтлик баҳслари бўлиб ўтади. Аммо турнир 16 май куни саралаш босқичидан бошланишини ва тўққиз йўналишдан ташқари имконияти чекланган теннисчилар ўртасидаги баҳслар ҳамда афсоналар ўйинлари ўтказилишини кўпчилик ҳам билмайди. Шундай қилиб, барча "Ролан Гаррос-2022" турнирлари бир ой давомида ўтказилади ва 13 июнь куни якунланади. Сизнинг эътиборингизга барча турнирларнинг саналарини тақдим этамиз.

16 май - 19 май. Эркаклар ва аёллар ўртасидаги яккалик саралаш баҳслари;

22 май - 5 июнь. Эркаклар ва аёллар яккалик баҳсларида асосий тўр беллашувлари;

22 май - 5 июнь. Эркаклар ва аёллар жуфтлик баҳсларида асосий тўр беллашувлари;

22 май - 5 июнь. Аралаш турнир;

22 май - 5 июнь. Теннис афсоналари турнири;

29 май - 4 июнь. Ўсмирлар ўртасида: эркаклар ва аёллар ўртасида яккалик баҳслари;

29 май - 4 июнь. Ўсмирлар ўртасида: эркаклар ва аёллар ўртасида жуфтлик баҳслари;

31 май - 4 июнь. Эркаклар ва аёллар ўртасидаги имконияти чекланган теннисчиларнинг яккалик баҳслари;

6 июнь - 13 июнь. Эркаклар ва аёллар ўртасидаги Quad яккалик баҳслари.