"Ролан Гаррос". Аёллар ўртасидаги финал учрашуви бўлиб ўтди

Ҳал қилувчи финал учрашувида сайёрамизнинг биринчи рақамли теннис маликаси, польшалик Ига Свёнтек WTA рейтингида 23-ўринни эгаллаб турган америкалик 18 ёшли Кори Гоффга қарши кортга чиқди. Етмиш дақиқа давом этган баҳсда Ига ортиқча қийинчиликсиз рақибасини мағлубиятга учратди  - 6/1, 6/3.

Ига бу вақт давомида 1 та эйс, 5 та брейкни амалга ошириб, биронта ҳам қўшхатога йўл қўймади. Кори эса 2 та эйс, 1 та брейк-пойнт, 3 та қўшхато қайд этди. Теннисчиларнинг ўзаро учрашувларида Свёнтек олдинда бормоқда - 3:0. 

Ига Свёнтек икки карра "Ролан Гаррос" турнири ғолибасига айланди. Франция Очиқ чемпионатидаги муваффақиятли иштирок польшалик теннис маликасига 2000 рейтинг очкоси ҳамда €2,200,000 мукофот пули келтирди. Гофф эса икки ҳафталик меҳнатидан 1300 очко ва €1,100,000 мукофот пули ишлаб олди.