11 июн 08:20
Янгиликлар

Теннис

"Ролан Гаррос". Аёллар турнирида сенсация - 20 ёшли қиз чемпион бўлди!

Франция пойтахти Париж шаҳрида ўтказилаётган теннис бўйича "Катта Дубулға" туркумига кирувчи "Ролан Гаррос" турнирининг хотин-қиз теннисчилар мусобақасида ғолиба аниқланди.

Турнир кашфиётига айланган Елена Остапенко якунда йилнинг тўртта нуфузли турнирининг бирида чемпионга айланди. Латвиялик 20 ёшли бу теннисчи ҳал қилувчи финал учрашувида руминиялик Симона Халепни мағлубиятга учратди.

Бир дақиқаси кам 2 соат давом этган баҳсда дунёнинг 47-ракеткаси бўлган Елена WTA рейтингида 4-поғонадан жой олиб турган 25 ёшли Симонани 4:6, 6:4, 6:3 ҳисобида таслим этди.