31 май 19:03
Янгиликлар

Теннис

"Ролан Гаррос". Циципаснинг кутилмаган мағлубияти

Парижда давом этаётган "Ролан Гаррос" турнири кутилмаган натижаларга ҳам бой бўлмоқда.

Жумладан, дунёнинг тўртинчи ракеткаси Стефанос Циципас ҳам чорак финал остонасида ўз юришини тўхтатди. Грециялик теннисчи тўртинчи даврада ATP рейтингида 40-поғонадан жой олган даниялик Хольгер Рунега ютқазиб қўйди - 5/7, 6/3, 3/6, 4/6.

Уч соату 4 дақиқа давом этган баҳсда Стефанос 8 та, Хольгер эса 4 та эйс зарбасини ижро этган. Бу теннисчиларнинг ўзаро ўтказган илк учрашуви эди. Энди Хольгер 1/4 финалда норвегиялик Каспер Руудга қарши кортга чиқади.