"Ролан Гаррос". Дунёнинг 59-ракеткаси 1/2 финалга чиқди

Аёллар ўртасидаги мусобақада ҳам 1/2 финалнинг икки иштирокчиси маълум бўлди. WTA рейтингида 59-поғонадан жой олган италиялик Мартина Тревизан дунёнинг 18-ракеткаси, канадалик Лейла Фернандесни 6/2, 6/7(3), 6/3 ҳисобида мағлуб эта олди. 

Икки соату 19 дақиқа давом этган баҳсда 28 ёшли Тревизан 1 та эйс, 7 та қўшхато ва шунча брейк-пойнтни амалга оширди. 19 ёшли Фернандес эса битта ҳам эйс зарбани ижро эта олмади. Бу теннисчиларнинг ўзаро ўтказган илк учрашуви эди.