06 июн 09:13
Янгиликлар

Теннис

“Ролан Гаррос”. Жоковичнинг кутилмаган мағлубияти

Франция пойтахти Париж шаҳрида теннис бўйича “Катта Дубулға” туркумига кирувчи “Ролан Гаррос” турнирининг асосий тўр баҳслари давом этмоқда.

Дунёнинг собиқ биринчи ракеткаси, айни пайтда ATP рейтингида 22-ўринни эгаллаб турган Новак Жокович чорак финалда ўз юришини тўхтатди. Сербиялик 31 ёшли теннис юлдузи дунёнинг 72-ракеткаси италиялик Марко Чеккинатога ютқазиб қўйди.

Уч соату 26 дақиқа давом этган баҳсда 25 ёшли Чеккинато номдор рақибини 6:3, 7:6(4), 1:6, 7:6(11) ҳисобида мағлуб этди. Энди Марко ярим финал учрашувида австриялик Доминик Тимга қарши кортга чиқади.