29 май 12:59
Янгиликлар

Теннис

"Ролан Гаррос". Камилла Рахимова рақибасига учта гейм берди

Франция пойтахти Париж шаҳрида "Катта Дубулға" туркумига кирувчи "Ролан Гаррос" турнири давом этмоқда.

Дунёнинг 85-ракеткаси бўлиб турган россиялик Камилла Рахимова илк даврада рейтингда ўзидан 95 поғона қуйида бораётган чехиялик Сара Бейлекни 6/0, 6/3 ҳисобида мағлубиятга учратди.

Баҳс 58 дақиқа давом этган. Бу теннисчиларнинг ўзаро ўтказган илк учрашуви эди. Рахимова 2 та эйс, 3 та қўшхато ва 6 та брейк қайд этди. Унинг иккинчи босқичдаги рақибаси польшалик Магдалена Фреш бўлади.