"Ролан Гаррос". Карен Хачанов бир амаллади

Россиялик теннис устаси "Ролан Гаррос"нинг илк даврасида ATP рейтингида 126-поғонадан жой олиб турган португалиялик Нуно Боргесни тўрт сет натижасига кўра мағлубиятга учратди  - 6/3, 2/6, 6/4, 6/4.

Икки соату 28 дақиқа давом этган баҳсда Карен 7 та эйс, 5 та қўшхато ва 3 та брейкни амалга оширди. Нуно эса 3 та эйс, 3 та қўшхато ва иккита брейк-пойнтга эга бўлди. Бу теннисчиларнинг ўзаро ўтказган илк учрашуви эди. Хачанов иккинчи босқичда боливиялик Уго Деллиенга қарши кортга чиқади.