"Ролан Гаррос". Каспер Рууднинг юриши давом этади

Дунёнинг саккизинчи ракеткаси Каспер Рууд тўртинчи давра иштирокчисига айланди. Норвегиялик теннисчи 3 соату 24 дақиқа давом этган учинчи давра баҳсида ATP рейтингида 35-поғонадан жой олган италиялик Лоренцо Сонегони таслим этди - 6/2, 6/7(3), 1/6, 6/4, 6/3.

Каспер 8 та эйс, 5 та брейк ва 2 та қўшхато қайд этди. Лоренцо эса 6 та эйс, учта брейк-пойнтни амалга ошириб, 4 та қўшхатога йўл қўйди. Теннисчиларнинг ўзаро учрашувларидаги ҳисоб йириклашди - 4:0.