03 июн 11:42
Янгиликлар

Теннис

“Ролан Гаррос”. Надаль 1/8 финалга чиқди

Хабар берганимиздек, Франция пойтахти Париж шаҳрида теннис бўйича “Катта Дубулға” туркумига кирувчи “Ролан Гаррос” турнири давом этяпти.

Дунёнинг биринчи ракеткаси Рафаэль Надаль бош соврин учун юришини давом эттирмоқда. Испаниялик 32 ёшли теннис юлдузи бу сафар ATP рейтингида 31-ўринни эгаллаб турган 32 ёшли франциялик Ришар Гаскедан устун келди.

Надаль 2 дақиқаси кам 2 соат давом этган учрашувда 6:3, 6:2, 6:2 ҳисобида зафар қучди. Икки теннисчи ўртасидаги ўзаро учрашувлардаги ҳисоб 15:1 кўринишига келди. Энди Рафа чорак финал чиптаси учун германиялик Максимилян Мартерерга қарши кортга чиқади.