Ролан Гаррос. Надаль ва Зверев ярим финални бошлаб беришади

Ярим финал учрашувлари эртага, 3-июн куни старт олади.

"Катта Дубулға" туркумига кирувчи турнирларнинг 21 карра чемпиони, собиқ жаҳоннинг биринчи ракеткаси испаниялик Рафаэль Надаль ва AТР рейтингида 3-ўринни эгаллаб турган германиялик Aлександр Зверев ўртасида "Ролан Гаррос" турнирининг илк ярим финал учрашуви бўлиб ўтади. Уларнинг ўйини Тошкент вақти билан 17:45 да бошланади. Иккинчи ярим финалда жаҳоннинг саккизинчи ракеткаси, норвегиялик Каспер Рууд ва 2014 йилги US Open ғолиби, хорватиялик Марин Чилич ўзаро баҳс олиб боришади. Ушбу учрашув Тошкент вақти билан 20:30 да бошланиши белгиланган. Ҳар икки ўйин "Филипп Чатрье" номидаги марказий кортда бўлиб ўтади.

Эслатиб ўтамиз, Надаль "Ролан Гаррос"да 13 марта ғалаба қозонган, бу рекорд  кўрсаткичдир.