23 май 08:44
Янгиликлар

Теннис

“Ролан Гаррос”. Шарипованинг иккинчи даврадаги рақибаси маълум

Мамлакатимизнинг биринчи ракеткаси Сабина Шарипова Францияда давом этаётган “Катта Дубулға” туркумига кирувчи “Ролан Гаррос” турнирининг саралаш баҳслари илк даврасида ғалаба қозонганди.

Ҳамюртимиз германиялик Антония Лоттнерга қарши кортга чиқиб, рейтингда ўзидан юқорида турган рақибини 1 соату 14 дақиқа давом этган баҳс якунида 6:2, 6:4 ҳисобида мағлуб этганди. Энди Шарипова нуфузли турнирнинг иккинчи давра учрашувида Евгения Родинага қарши кортга чиқади.

Россиялик теннисчи дунё рейтингида 116, Шарипова эса 169-ўринни эгаллаб турибди. Теннисчилар шу кунгача икки бор тўқнаш келишган ва ҳар иккала учрашувда ҳам Родина ғалаба қозонган. Шарипова - Родина учрашуви эртага, 24 май куни ўтказилади.