"Ролан Гаррос". Янник Синнер 1/8 финалда

Италиялик теннисчи учинчи босқич учрашувида ATP рейтингида 60-поғонасини банд этган америкалик Маккензи Макдональдни 6/3, 7/6(6), 6/3 ҳисобида енгди. Ушбу баҳс 2 соату 50 дақиқа давом этган. 

Янник 4 та эйс, 3 та брейк-пойнт, 2 та қўшхато қайд этди. Маккензи эса 3 та эйс, 1 та брейкни амалга ошириб, 2 бор қўшхатога йўл қўйди. Теннисчиларнинг ўзаро учрашувларидаги ҳисоб 2:0 кўринишига келди.

Қизиғи, Синнер иккинчи сетни 2/5 ҳисобида ютқаза туриб, 11 та сетболни бартараф эта олди. Энди Янник 1/8 финалда россиялик Андрей Рублёвга қарши кортга чиқади.