18 дек 08:21
Янгиликлар
Дзюдо
Россиядаги “Мастерс”да битта бронза билан кифояландик
Россиянинг Санкт-Петербург шаҳрида дзюдо бўйича “Мастерс” тоифасига кирувчи турнир якунланди.
Йилнинг ушбу сўнгги нуфузли мусобақасида дунёнинг 46 мамлакатидан сара спортчилар иштирок этишди. Улар қаторида ўзбекистонлик 7 нафар дзюдо усталари ҳам халқаро турнир медаллари учун татамига чиқишди.
Афсуски, “Мастерс” турниридан бор йўғи битта бронза медали билан қайтадиган бўлдик. -60кг вазн тоифасида юртимиз спорт шарафини ҳимоя қилган Шарофиддин Лутфуллаев бронза медали учун кечган баҳсда россиялик Роберт Мшвидобадзени мағлубиятга учратишга муваффақ бўлди.
Қолган дзюдочиларимиз мағлубиятга учраб, бу йилги спорт мавсумини бироз бўлсада омадсиз якунлашди. Тўртта олтин, 2та кумуш ва битта бронза медалини қўлга киритган дзюдо ватани ҳисобланган япониялик спортчилар умумжамоа ҳисобида биринчи ўринни эгаллашди.
Кучли учликдан Грузия ва Россия терма жамоалари жой олишди. Ўзбекистон терма жамоаси Босния ва Герцеговиния билан бирга 16-17 ўринларни бўлишиб олди. Жами 19та давлат спортчиларига ушбу мусобақада камида битта бронза медалини қўлга киритиш насиб этди.
Ҳавола :
Манба : olamsport.com
Фикрлар