25 фев 16:06
Янгиликлар

Олимпия ўйинлари

Россиялик 4 нафар хоккейчи рамзий терма жамоага киритилди

Россия терма жамоаси хоккей бўйича ўтказилган мусобақада олтин медални қўлга киритган эди.

Олимпиада чемпионларидан 4 нафари рамзий терма жамоа таркибига киритилди. Бу ҳақда Халқаро хоккей федерацияси расмий сайти хабар берди. Дарвозабон Василий Кошечкин, ҳимоячи Вячеслав Войнов, ҳужумчилар - Илья Ковальчук ва Павел Дацюк рамзий терма жамоа таркибидан жой олишди.

Шунингдек, ушбу жамоада Канада терма жамоаси ҳимоячиси Максим Норо ҳамда финляндиялик ҳужумчи Ээли Толваненга ҳам жой топилди. Россия терма жамоаси финалда германиялик хоккейчиларни овертаймда киритилган олтин гол эвазига мағлуб этганди.