Россиялик ММА жангчиси UFC'ни Bellator'га алиштирди

"UFC'даги 8 йил кўз очиб юмгунча ўтиб кетди. Бизнинг ҳамкорлигимиз ўз ниҳоясига етди. UFC раҳбариятига ўзимни кўрсатишим учун имконият бергани учун ташаккур айтмоқчиман. Бугундан бошлаб мен Bellator жангчисиман. Мен янги шартнома имзоладим ва бу фаолиятимни янги босқичга олиб чиқади. Bellator бу ММА бўйича дунёдаги етакчи АҚШ ва Европада тез-тез жанглар ўтказувчи ташкилот. 

Менга бу янги чақирув бўлади. Мен менежерларим Али Абдeлазиз ва Ризван Магомедовларга раҳмат айтмоқчиман. Улар ўз ишига профессионал ёндашиб фаолиятимнинг охиригача менга ажойиб шароитлар яратиб беришди. Энди менда янги мақсад бор - бу Bellator камари!",-деб ёзaди Рустам Хабилов. 

Эслатиб ўтамиз, 33 ёшли доғистонлик жангчи фаолияти давомида 24та ғалаба ва 4 мағлубият қайд этган. Хабилов UFC'даги сўнгги жангини 2019 йилнинг ноябрь ойида Сергей Хандожкога қарши ўтказиб ғалаба қозонган эди.