Россиялик уч спортчи Bellator билан шартномасини узайтирди

Гап Сергей Харитонов, Вадим Немков ва Анатолий Токов ҳақида бормоқда. Ҳозирча янги келишув ўз ичига нечта жангни олиши ҳақида аниқ маълумотлар йўқ. 

Сергей Харитонов Bellator байоғи остида учта жанг ўтказган. Сўнгги жангида Рой Нельсонни муддатидан аввал мағлуб этди. Харитонов кейингида жангида Мэтт Митрион билан тўқнаш келади. 

Вадим Немков ҳам “Bellator”да учта жанг ўтказиб, уларнинг барчасида ғалабага эришган. Сўнгги жангини ўтган йилнинг ноябрь ойида Фил Дэвисга қарши ўтказиб, ғалаба қозонган.

Эътиборлиси, Анатолий Токов ҳам ҳамюртлари сингари Bellator октагонида учта жанг ўтказган. Ҳозирча охиргиси бўлиб турган жангида ватандоши Александр Шлеменкодан устун келганди.