Собиқ Bellator чемпиони UFC’дан ҳайдалди, унинг янги борар манзили ҳам аниқ

Енгил вазн тоифасида собиқ Bellator чемпиони Патрик "Пэтчи" Микс дунёнинг энг кучли лигаси ростерини икки мағлубият билан тарк этди. Америкаликнинг навбатдаги тўхташ жойи Япония бўлади. Микс у ерда 6 март куни Токиодаги RIZIN 52 турнирида иштирок этади.

Микснинг рақиби япониялик Киома Акимото бўлади, бу ҳақда Япония промоушени вакиллари расман маълум қилди. Америкалик 32 ёшли жангчи учун бу нафақат ташкилотнинг, балки вазн тоифасининг ҳам ўзгариши бўлади. Оғир кечаётган вазн ташлашлар сабаб у фаолиятини муваффақиятли йўналишга қайтариш умидида ярим енгил дивизионга кўтарилмоқда.

Bellator PFL лигасига қўшиб олинишидан олдин Патрик Микс UFC’дан ташқарида фаолият юритувчи энг кучли жангчилардан бири ҳисобланган. Ташкилотлар бирлашгандан сўнг, америкалик UFC билан шартнома имзолади ва у ерда дебют жангида ҳакамларнинг якдил қарори билан Марио Баутистага ютқазди. Кейин эса KSW собиқ чемпиони Якуб Виклатсга алоҳида қарор билан яна мағлуб бўлди.

Микснинг 19 ёшли рақиби Киомо Акимота профессионал фаолиятида 11 ғалаба ва 1 та мағлубият қайд этган. Айни пайтда япониялик Ризин лигасида 4 та ғалабали серияда келмоқда, улардан 3 тасини муддатидан олдин қўлга киритган.