Россиянинг Владивосток шаҳрида академик эшкак эшиш бўйича халқаро мусобақа бўлиб ўтди

Россия, Хитой, Беларус ва Ўзбекистон терма жамоалари иштирок этган турнирда спортчиларимиз 2 тадан олтин ва кумуш, 1 та бронза медали билан умумжамоа ҳисобида биринчи ўринни қўлга киритишди. Ҳамюртларимиз 800 метр масофада кечган беллашувларда М8+ ва ЛМ1х дастурларида олтин, W1х ва W4х йўналишида кумуш, М2х баҳсида бронза медалига сазовор бўлишди.