19 апр 10:58
Янгиликлар

Теннис

Рублёвнинг эртаги якунланди. Циципас "Мастерс" ғолиби!

Монако Князлигининг Монте-Карло шаҳрида теннис бўйича "Мастерс" сериясига кирувчи турнир якунланди.

Ҳал қилувчи финал учрашувида дунёнинг бешинчи ракеткаси, грециялик Стефанос Циципас ATP рейтингининг саккизинчи поғонасидан жой олган россиялик Андрей Рублёвга қарши кортга чиқди.

Бир соату 11 дақиқа давом этган баҳсда Стефанос 6/3, 6/3 ҳисобларида зафар қучди. Ўзаро учрашувлардаги ҳисоб мувозанати тикланди - 4:4. Rolex Monte-Carlo Masters турниридаги муваффақиятли иштирок Циципасга 1000 рейтинг очкоси ҳамда 251,085 евро мукофот пули келтирди.