Cincinnati Open. Карлос Алькараз Рублёвга "чиқиш" эшигини кўрсатиб қўйди

Дунёнинг иккинчи ракеткаси испаниялик Карлос Алькараз турнирнинг 1/4 финалида ATP рейтингида 11-ўринни эгаллаб турган россиялик Андрей Рублёвни қийинчилик билан уч сет натижасига кўра мағлубиятга учратди - 6/3, 4/6, 7/5.

Теннисчиларнинг ўзаро учрашувлари ҳисобида Карлос олдинда бормоқда - 4:1. Икки соату 17 дақиқа давом этган баҳсда иккала ракетка усталари ҳам 11 тадан эйс зарбасини амалга оширишди. Қўшхатолар Рублёвда кўпроқ бўлди - 7 га 4. Брейклар бўйича устунлик эса ғолиб теннисчи томонда - 4 га 2. Алькарас кетма-кет еттинчи турнирида 1/2 финалда кортга чиқадиган бўлди.