22 июн 15:13
Янгиликлар
Бокс/ММА
Руслан Чагаев яхши гонорар таклиф қилинса, Майк Тайсон билан жанг қиладими? Боксчининг ўзи жавоб берди
Супероғир вазн тоифасида собиқ жаҳон чемпиони ҳамюртимиз Руслан Чагаев афсонавий Майк Тайсон билан эҳтимолий жанг ҳақидаги саволга жавоб берди.
"Яхши гонорар берса, Майк Тайсон билан ҳам уришардик (кулади). Майк Тайсон менинг кумирим. Уни деб, боксга кириб келганман. Лекин кўргазмали жанг бўлса, у билан жанг қилиб кўрардим. Тайсонни ҳурмат қиламан", дейди Чагаев.
Эслатиб ўтамиз, Чагаев 2016 йилда фаолиятини якунлаган эди. Унинг ҳисобида WBA йўналиши бўйича жаҳон чемпионлик камари, Николай Валуев ва Жон Руиз устидан қозонилган тарихий ғалабалари бор. Шунингдек, у Александр Поветкин ва Владимир Кличко билан рингни бўлишиб, иккаласига ҳам ютқазганди.
Ҳавола :
Манба : Olamsport.com
Фикрлар