Сабина Шарипова Гуяйн турнири финалида кортга чиқди

“Фьючерс” туркумига кирувчи ушбу мусобақада ҳамюртимиз Сабина Шарипова ҳам муваффақиятли иштирок этди. Юртимизнинг биринчи рақамли теннисчиси турнирда иккинчи рақам остида ҳаракат қилди.

Сабина ҳозиргина якунига етган финал учрашувида кортга чиқди. Унинг рақибаси беларуслик Лидия Марозова бўлди. Айнан шу теннисчи билан жуфтликда у бош мукофотни қўлга киритган эди.

Эллик беш дақиқа давом этган яккаликнинг финал учрашувида бироз кутилмаганда беларуслик теннисчи 6:2, 6:4 ҳисобида зафар қучиб, бош мукофот соҳибасига айланди. Сабина эса турнир вице-чемпионига айланди.

Эслатиб ўтамиз, Шарипова биринчи даврада япониялик Мияби Иноуэн 6:4, 6:7(8), 6:3, иккинчи босқичда хитойлик Жиакси Луни 6:2, 6:3, чорак финалда Ксю Лиу Санни 6:3, 6:4, ярим финалда яна бир мезбон теннисчи Жанлан Вейни 6:3, 6:1 ҳисобида мағлуб этган эди.