Сабина Шарипова жуфтликлар баҳсида илк ўйинидаёқ ютқазиб қўйди

Спортчимиз турнирнинг жуфтлик баҳсларида россиялик Екатирина Яшина билан жуфтлик ҳосил қилган. Жуфтлик мусобақаларида тўртинчи рақам остида сараланган спортчилар илк босқичда Ипек Ўз (Туркия) ва Ена Кажевич (Хорватия)ларга қарши кортга чиқдилар.

1 соат 35 дақиқа давом этган баҳсда спортчимиз рақибларига 6:3, 5:7, 9:11 ҳисобларида имкониятни бой бериб қўйди.

Бироздан сўнг бошқа бир теннисчимиз Оқгул Омонмуродова жуфтликлар баҳсида ўз омадини синаб кўради. У россиялик Александра Панова билан бирга жуфтлик мусобақаларининг иккинчи рақамли теннисчилари сифатида сараланган.