04 мар 12:37
Янгиликлар

Теннис

Сабина Шарипова Хитой турнирининг финалида кортга чиқди

Мамлакатимизнинг биринчи ракеткаси Сабина Шарипова Хитойнинг Ксиамен шаҳри мезбонлик қилган турнирнинг финали учрашувини ўтказди.

Мусобақанинг соврин жамғармаси 15 000 АҚШ долларини ташкил этди. Шарипова ушбу турнирнинг биринчи рақамли теннисчиси сифатида ҳаракат қилди. Лекин финалда мағлубиятга учраб, вице-чемпионлик билан кифояланди.

Шарипова 1 соату 15 дақиқа давом этган учрашувда турнирнинг иккинчи ракеткаси хитойлик Ксинью Гаога 1:6, 2:6 ҳисобида имкониятни бой бериб қўйди. Ҳамюртимиз дунё рейтингида 191, 20 ёшли Гао эса 213-ўринни эгаллаб турибди.