03 мар 09:51
Янгиликлар

Теннис

Сабина Шарипова Хитойдаги турнирда ярим финал баҳсини ўтказди

Мамлакатимизнинг биринчи ракеткаси Сабина Шарипова Хитойнинг Ксиамен шаҳри мезбонлик қилаётган турнирда муваффақиятли тарзда иштирок этяпти.

Мусобақанинг соврин жамғармаси 15 000 АҚШ долларини ташкил этади. Шарипова ушбу турнирнинг биринчи рақамли теннисчиси сифатида ҳаракат қиляпти. Бундан бир неча дақиқа аввал Сабина ярим финал учрашувида кортга чиқди.

Унинг рақибаси гонгконлик Линг Чжанг бўлди. Икки соату 10 дақиқа давом этган баҳсда Сабина Чжангни 2:6, 6:0, 6:3 ҳисобида мағлуб этиб, финалга чиқди. Ҳамюртимиз дунё рейтингида 191, Чжанг эса 334-ўринни эгаллаб турибди.