28 янв 07:07
Янгиликлар

Теннис

Сабина St. Petersburg Ladies Trophy саралашини ғалаба билан бошлади

Мамлакатимизнинг биринчи ракеткаси Сабина Шарипова Россиянинг Санкт-Петербург шаҳрида старт олган нуфузли турнирнинг саралаш баҳсларида иштирок этяпти.

Турнирнинг соврин жамғармаси 799 000 долларни ташкил қилади. Ҳамюртимиз қуръа натижасига кўра саралашнинг биринчи даврасида испаниялик Лара Арруабаррена-Весинога қарши кортга чиқди.

Икки соату 39 дақиқа давом этган учрашувда Сабина кучли рақибасини 3:6, 7:6(7:4), 7:5 ҳисобида мағлуб этишнинг уддасидан чиқди. Бугун Шарипова саралашнинг иккинчи даврасида россиялик Елена Рибакинага қарши кортга чиқади.

Таққослаш учун, саралашнинг олтинчи ракеткаси сифатида қайд этилган Лара дунё рейтингида 87, Сабина 176, Рибакина эса 454-ўринни эгаллаб турибди. Асосий тўрга чиқиши учун теннисчимиз яна иккита учрашувда ғалаба қозониш талаб этилади.